உலகில் முதன்முறையாக… ‘ரியாஸ்கான்’ மட்டும் நடித்துள்ள மற்றொருவன்..!


உலகில் முதன்முறையாக… ‘ரியாஸ்கான்’ மட்டும் நடித்துள்ள மற்றொருவன்..!

அத்தி பூத்தாற்போல, குறிஞ்சிப்பூ போல வித்தியாசமான முயற்சி என்பது அரிதாக நடக்கும் ஒரு நிகழ்வு. அப்படி மாறுபட்ட ஒரு முயற்சியாக மற்றொருவன்என்கிற பெயரில் ஒரு படம் உருவாகியுள்ளது.

இதில் ஒரே ஒரு நடிகர் மட்டுமே நடித்துள்ளார். இதன் கதைப்படி அந்த ஒரு கேரக்டர் மட்டுமே திரையில தோன்றும். அந்த கேரக்டரில் நடித்துள்ளவர்தான் ரியாஸ்கான்.

அறிமுக இயக்குர் மஜோ மேத்யூ இயக்கியுள்ள இப்படத்தை மரியா பிலிம் கம்பெனி சார்பில் வேல்முருகன், கே. எம். செபஸ்டின், திருப்பூர் மோகன் தயாரித்துள்ளனர்.

ஒரு நல்ல படத்தின் கதை, தனக்கான ஆட்களைத் தானே தேடிக்கொண்டு உருவாகும் என்பதற்கு இப்படமே உதாரணம் எனலாம்.

வேல்முருகன்நேசம்புதுசுஎன்கிற படத்தை இயக்கியவர் ஏ.ஜகந்நாதன், என்.கே. விஸ்வநாதன், டி.பி கஜேந்திரன், சுந்தர்.சி, சீமான் போன்ற இயக்குநர்களிடம் உதவிஇயக்குநர், கதை விவாதம் என்று பணியாற்றியவர். சேரனின் ஆட்டோகிராப்படத்தில் நடிகராகி 80 படங்களில் நடித்திருப்பவர்.

எவன்டி உன்ன பெத்தான்என்கிற பெயரில் ஒரு படமும் இயக்கி முடித்திருக்கிறார். அவருக்கு நடிகர் ஜே.கே. ரித்திஷ் மூலம் திருப்பூர் மோகன்  என்பவரின் அறிமுகம்கிடைத்திருக்கிறது. அவர் மூலம் செபஸ்டின், இயக்குநர் மஜோ அறிமுகமாகியிருக்கிறார்கள்.

 

Riaz khan

 

தானுண்டு தன் வேலையுண்டு என்றிருந்த வேல்முருகனை இயக்குநர் சொன்ன கதை உலுக்கி உசுப்பிவிடவே படத்தை  நண்பர்களுடன் சேர்ந்து தயாரிப்பது என்றுமுடிவாகியது.

உற்சாகமாக களத்தில் இறங்கி படத்தை முடித்து இருக்கிறார்கள். இது பற்றி தயாரிப்பாளர் வேல்முருகன் கூறும் போது.” கதைதான் என்னைத் தயாரிப்பாளராக்கி இருக்கிறது. அதற்காக எந்த அபாயத்திலும் இறங்கலாம் என்கிற துணிச்சலையும் தந்தது.என்கிறார்.

படத்தின் கதை பற்றி இயக்குநர் மஜோ மேத்யூ கூறும் போது”  இது உளவியல் சார்ந்த கதை. ஆனாலும் எல்லாருக்கும் புரிகிற மாதிரியான முழுமையான கமர்ஷியல் படம்தான் இது. நாயகன் ஒவ்வொரு விஷயத்தையும் கனவு காண்பான்.

 

Riaz Khan 2

 

கனவில் காண்பது  எல்லாம் நேரில் நிஜத்தில் ஒவ்வொன்றாக நடக்கிறது. ஒரு பெரிய கனவு காண்கிறான். அது நிஜமாகிறதா என்பதே க்ளைமாக்ஸ் .

நாயகனுக்கு கண்ணுக்குத் தெரியாத எதிரி இருக்கிறான்(!). அவனைப் பார்க்க முடியாது நிழலாகவே அறிய  முடிகிறது. அது யார்? என்பது சஸ்பென்ஸ், “என்கிறவர்,.தொடர்ந்து பேசும்போது ” படத்தில் அந்த ஒரு நாயகனாக ரியாஸ்கான் நடித்துள்ளார்.

 

Matroruvan

 

அவர் நூற்றுக்கணக்கான படங்களில் நடித்திருந்தாலும் இந்தப் பாத்திரம் அவருக்கு ஒரு சவாலாக இருந்தது என்பேன். எதிர் பார்த்தபடி நடித்து அசத்தியும் இருக்கிறார்.என்கிறார்.

படம் முழுக்க நிழலாக வரும் நிழல் பாத்திரம் யார்?அந்தமற்றொருவன்யார் என்பது சஸ்பென்ஸ். அந்த நிழல் எதிரியா? பேயா?கற்பனையா? மனப்பிரமையா ?என்பதைஊகிக்கவே முடியாது.

பட அனுபவம் பற்றி நாயகன் ரியாஸ்கான் பேசும்போது

நான் தமிழ், தெலுங்கு, மலையாளம், கன்னடம், இந்தி என்று நடித்து ஜப்பான் மொழி வரை 300 படங்கள் நடித்திருக்கிறேன். இவற்றில் எந்தப் படத்திலும் வராத வித்தியாச வாய்ப்பு இந்தப் படத்தில் கிடைத்தது.

 

riaz Khan 3

 

பத்து படத்தில் நடித்த அனுபவம் இந்த ஒரே படத்தில் கிடைத்தது. படப்பிடிப்பில் ஒரு நிமிடம் கூட உட்கார முடியவில்லை.

சவாலும் நடிப்பு வாய்ப்பும் நிறைந்த பாத்திரம் இது . என்மேல் நம்பிக்கை வைத்து வழங்கப்பட்டதை என்னால் முடிந்தவரை சிறப்பாகச் செய்திருக்கிறேன். “ என்கிறார்

ஒரே ஒரு நாயகன் பாத்திரம் தவிர உயிருள்ள இரண்டு பாத்திரங்களாக ஒரு நாயும் யானையும் மட்டும்தான் தோன்றியுள்ளன. இருந்தாலும் இந்த 1 மணி 50 நிமிடக் கதைபரபரப்பும் விறுவிறுப்புமாக கமர்ஷியல் பார்முலாவில் உருவாக்கப்பட்டுள்ளது.

 

riaz Khan 4

 

சென்னை, ஹைதராபாத், மூணார் என பயணித்து 45 நாட்களில் படத்தை முடித்து இருக்கிறார்கள். ஏவி எம் ஸ்டுடியோவில் ஒரு செட் போட்டும் படமாகியுள்ளது.

தொழில்நுட்ப ரீதியாகவும் பல புதுமைகள் கொண்ட படமாகவும்  மற்றொருவன்படம் உருவாகியுள்ளது.

மலையாளத்தில் 500 படங்களில் பணியாற்றிய பென்னிஜான்  இசையமைத்துள்ளார்.  படத்தில் இரண்டே பாடல்கள்தான். கல்பாக்கம் சுகுமார் எழுதியுள்ளார்.

ஒளிப்பதிவு நிகில். கலை இயக்கம்- லக்ஷ்மன், ஸ்டண்ட்– மாபியா சசி, வசனம்– வேல் முருகன்.

தமிழ், தெலுங்கு, மலையாளம் என 3 மொழிகளிலும் உருவாகியுள்ள இப்படம்  மே மாதம் வெளியாகிறது.